कानुन फेरेरै कालोबजारी गर्ने दाउमा अटोमोबाइल्स व्यवसायीहरु
नेता–कर्मचारी रिझाउन ५० लाखको रक्सी उपहार चढाउँछन् अटोमोबाइल्स व्यवसायी
काठमाडौं । आपूर्ति व्यवस्थापन तथा उपभोक्ता हित संरक्षण विभागले विभिन्न चरणमा गरेको अनुगमनबाट कारवाहीमा पर्ने देखिएपछि ठूला ब्यापारिक घरानाहरुले विद्यमान ऐन–कानुनलाई संसोधन गर्दै कालोबजारी मैत्री ऐनकानुन बनाउन लविङ गर्न थालेका छन् ।
अनुगमनका क्रममा अटोमोबाइल्स व्यवसायीले चारपांग्रे सवारीसाधनको बिक्रीमा उपभोक्ताबाट कानुनविपरित मुल्य असुली गरेको भेटिएको थियो । विभागले २०३२ सालमा बनेको कालोबजार तथा केही अन्य सामाजिक अपराध तथा सजाय ऐन २०३२ र उपभोक्ता संरक्षण ऐन २०५४ मा टेकेर बजार अनुगमन गर्दैआएको छ ।
कानुन नै परिमार्जन गरेर ठगी
अटोमोबाइल्स एसोसियसन अफ नेपाल (नाडा)का अध्यक्ष रञ्जन श्रेष्ठ र उद्योग बाणिज्य महासंघका वरिष्ठ उपाध्यक्ष शेखर गोल्छालगायत ठूला ब्यापारीहरुले कालोबजार तथा केही अन्य सामाजिक अपराध तथा सजाय ऐन २०३२ व्यवसायी मैत्री नभएको भन्दै यसलाई परिमार्जन गर्नुपर्ने बताउँदै आएका छन् ।
नाडाका अध्यक्ष श्रेष्ठ कोरियन कार निर्माता कम्पनी हुण्डाई कारको नेपालका लागि आधिकारिक बिक्रेता लक्ष्मी इन्टरकन्टिनेन्टल प्रालीका मालिक हुन् भने वरिष्ठ उपाध्यक्ष गोल्छा विशाल गु्रपका अध्यक्ष हुन् । गोल्छा आगमी निर्वाचनमा उद्योग बाणिज्य महासंघको स्वतः अध्यक्ष बन्दै छन् ।
१० वर्षे कैद १ वर्षमा झार्दै
उच्च नैतिक मर्यादामा रहेर काम गर्नुपर्नेमा अध्यक्ष श्रेष्ठ र वरिष्ठ उपाध्यक्ष गोल्छाले व्यवसायी फाइदाका लागि ऐन परिमाजिन गर्दै उपभोक्तामैत्री भन्दा पनि ब्यापारीमैत्री बनाउन लागिपरेका छन् । उक्त ऐनलाई संसोधन गर्दै तोकिएको सजायमा व्यापक कटौती गर्न लागेका हुन् ।
कालोबजारी तथा केही अन्य सामाजिक अपराध तथा सजाय ऐन २०३२ लाई संशोधन गरी कालोबजारीमा संलग्नलाई तोकिएको कैद १० वर्षबाट एक वर्षमा झार्न चलखेल व्यवसायीहरुले गरेका हुन् ।
यस्तै सोही ऐनमा बिक्रीका लागि ल्याइएको वस्तु निजी प्रयोगमा ल्याउनेलाई तोकिएको पाँच वर्षसम्मको कैद पनि एक वर्षमा झारिएको छ । ऐनको दफा ४ र ५ मा उल्लिखित क्रमशः पाँच वर्ष र दुई वर्ष कैद पनि एक वर्ष र नौ महिनामा घटाइएको छ ।
अनुगमन रोक्न दबाब
अटोमोबाइल्स व्यवसायी राज्यका ठूला करदाता हुन् । ठूला करदाताबाट राज्यलाई प्राप्त हुने करमा समेत असर पर्नसक्ने चेतावनी व्यवसायीहरुले दिएका छन् । विभागको अनुगमन तथा कारवाहीबाट व्यवसायी चेपुवामा परेको भन्दै नाडा र महासंगले उक्त कार्यलाई रोक्न समेत दबाब दिँदैआएको विभाग श्रोतले बतायो ।
विभागका अनुसार व्यवसायीको कैफियत हेर्दा भन्सार ऐन २०६४, मूल्य अभिवृद्धि कर ऐन २०५२, उपभोक्ता संरक्षण ऐन २०५४ र कालोबजार तथा केही सामाजिक अपराध तथा सजाय ऐन २०३२ आकर्षित हुने देखिन्छ ।
नेता र कर्मचारी रिझाउन ५० लाखको रक्सी !
व्यवसायीले कालोबजारीबाट आएको लाभ राजनीतिक पार्टीका नेता तथा उच्च तहका कर्मचारी, मिडिया माफिया, चुल्ठे–मुन्द्रे, गुण्डा, प्रहरी प्रशासनलगायतलाई बाँड्ने गरेको स्रोतले बतायो ।
यस्तै, पार्टीका नेता रिझाउन घुमारो तरिकाले चन्दा दिने, चाडपर्वका बेला महंगा रक्सी, खसीबोका उपहार प्रदान गर्दैआएको पनि बुझिन्छ । केही व्यवसायीले त रक्सीको कार्टुन नै नेताको घरमै पठाउने गरेको स्रोतले बतायो । आपुर्ति मन्त्रालय स्रोतका अनुसार हरेक दशैं–तिहारमा ५० लाखको त रक्सी मात्रै बाँड्ने गर्छन् । व्यवसायी स्वयंले यसरी रक्सी बाँड्ने गरेको स्वीकार गर्छन् ।
कर्मचारीको सम्पत्ति छानविन गरिन्छः मन्त्री यादव
उद्योग, वाणिज्य तथा आपुर्तिमन्त्री मात्रिका यादवले संख्याको हिसावले हजारौँ अनुगमन भए पनि अहिलेसम्म एउटैलाई पनि कारवाही नभएको भन्दै गुनासो पोखे । अनुगमनमा खटिने कर्मचारीमाथि नै आशंका गर्दै कर्मचारीकै पछिल्लो १० वर्षको सम्पत्ति विवरण छनविन गर्ने उनले बताएका छन् ।
यसका लागि यादवले सचिव अनिल ठाकुरलाई निर्देशन दिइसकेका छन् । बार्गेनिङ नमिलेपछि मात्रै विभागले अनुगमन गर्ने गरेको गुनासो आएपछि मन्त्री यादवले विभागका कर्मचारी तथा उपभोक्तावादीलाई समेत नियमनको दायारमा ल्याउने तयारी गरेको बताएका छन् ।
‘ब्यापारीको पनि छानविन हुनुपर्यो’
उपभोक्तावादीहरुले कर्मचारीको मात्र नभई ब्यापारीको पनि सम्पत्ति विवरण सार्वजनिक गर्न माग गरेका छन् । सूचनाको हक अन्तरगत रहेर ठूला ब्यापारी घरानाको आयव्याय, भन्सारको प्रज्ञापन–पत्रलगायत कागजपत्र सार्वजनिक गर्न उपभोक्तावादीको माग छ ।
‘भन्सारमा घोषित मुल्यमा २० प्रतिशत नफा राख्न पाइने कानुनी व्यवस्था छ,’ एक उपभोक्तावादीले नेपालआजसँग भने, ‘२० प्रतिशत नाफा राखेर कारोवार गर्न सकिँदैन भने व्यवसाय नै बन्द गरे हुन्छ । कानुन मिचेर व्यवसाय गर्न कसैले पाउँदैन अब ।’
र याे पनि,
► कालोबजारीको जालो कर्मचारीभित्रैः ज्योती बानियाले गरिदिए खुलासा (भिडियो)
► झोलामा अफिस बोकेर ब्ल्याकमेल गर्ने उपभोक्तावादीलाई कारवाही गर्ने मन्त्री यादवको चेतावनी (भिडियो)
► मन्त्री यादवको एक्शनः कालोबजारीलाई जेलसम्म हाल्ने तयारी (भिडियो)
► फोर्ड गाडीमा चर्को ठगी, विभागकै निर्देशक दाहालले दिँदैछन् उन्मुक्ति
► मन्त्रीलाई फन्दामा पार्दै कालोबजारी गर्ने अटोमोबाइल व्यवसायीहरुको यस्तो योजना
► एलडीओलाई ट्वाइलेटमा थुन्ने मन्त्री मात्रिकाले रोक्लान् त अटाेमाेबार्इल्सकाे कालोबजारी ?
► आकाशीयो हुण्डार्इ कार बिक्रेताको कालोबजारी, मूल्य नघटाउने नियत
► गाडी बिक्रेतालाई मस्ती, उपभोक्तालाई सास्ती
► कालोबजारी नगरेको भन्दै नाडाले निकाल्यो विज्ञप्ति
► नाडा महासचिव दुलाल भन्छन्ः हामीलाई नाफा अझै पुगेको छैन (भिडियो)
► ‘रेनल्ड’ गाडीमा ब्रह्मलुट, समाचार लेख्दा सञ्चार माध्यम बन्द गरिदिने धम्की (भिडियो)
► ‘रेनल्ड’ गाडी र 'सुजुकी बाईक'मा ब्रह्मलूट, ८ लाखको गाडीलाई ३५ लाख !
► उपभोक्ता हित संरक्षण विभागको अनुगमन तिब्र तर कारवाही शून्य
► कालोबजारी गर्नेहरुलाई यसरी तह लगाउँदैछन् महानिर्देशक दाहालले(भिडियाेसहित)
► अब मोटरसाइकलमा लुट मच्चाउनेहरुको बज्ने भयो बाह्र (भिडियाेसहित)
► कालोबजारी गर्ने कसैलाई पनि छाड्दिन (भिडियोसहित)
► ‘एड्भान्स्ड अटोमोबाईल्स’ले कालोबजारी गरेको भन्दै महानिर्देशक दाहालको निर्देशनमा छापा मारियो
► रोकिएन ‘फोर्ड’ गाडीको चर्को कालोबजारी
► कालोबजारी गर्नेहरुलाई यसरी तह लगाउँदैछन् महानिर्देशक दाहालले (भिडियोसहित)
► पल्सरको प्रेममा परेका युवालाई यसरी ठग्दो रहेछ बजाजले
► यामाहाको लुट एकलौटी, डिलर सञ्चालकले पाउँछन् मात्रै पाँच प्रतिशत
► यामाहाले एउटै मोटरसाइकलमा ७८ हजार फाइदा लिने गरेको खुलासा
► अब मोटरसाइकलमा लुट मच्चाउनेहरुको बज्ने भयो बाह्र (भिडियाेसहित)
► युवतीहरू हुरुक्क हुन्छन् स्कुटीमा, स्कुटीबाटै लुट्छन यिनले (तालिकासहित)
► नामका प्रतिष्ठित व्यापारी, काममा देश सिध्याउने मेलो
► यामाहाको लुट जानौं, लुट्ने पनि चिनौं (लुटको लिस्टसहित)
► हुन्डाईमा चर्काे कालाबजारी : एउटै कारमा साढे २१ लाख रुपैयाँसम्म झ्वाम
► अभिक ज्योतिको व्यापार लुटको जगमा
► समाचार प्रभाव : गाडीमा कालोबजारी गर्ने हुन्डाईको सो रुममा छापा, कागजात नियन्त्रणमा
► नाडा अटो मेलामा जाँदै हुनुहुन्छ ? बजाजको ठगीबाट बच्नुहोला
► पल्सरको प्रेममा परेका युवालाई यसरी ठग्दो रहेछ बजाजले
► गोल्छाबाट लुटिएको थाहा पाएपछि ग्राहकहरु बजाजका मोटरसाइकल फिर्ता गर्न सोरुम पुग्न थाले
► बजाजको मोटरसाइकलमा लुट मच्चाउने शेखर गोल्छा उद्योगी व्यापारीको नेता हुने दौडमा
