युरोपको प्रतिष्ठित फुटबल प्रतियोगिता च्याम्पियन्स लिगको क्वार्टर फाइनल ड्र शुक्रबार सार्वजानिक गरिएको छ । सहभागी ८ टोलीहरुले पहिलो लेग अप्रिल ३ र ४ मा खेल्ने छन् भने क्वार्टफाइनलको दोस्रो लेग अप्रिल १० र ११ मा खेलिने छन् ।

 

यस पटक अन्तिम ८ मा स्पेनबाट सर्वाधिक ३ टोलीको प्रतिनिधित्व छ। त्यस्तै इंग्ल्यान्ड र इटालीबाट दुई-दुई टोली क्वार्टफाइनलमा पुगेका छन्। यस्तै जर्मनीबाट १ टोलीले अन्तिम ८ मा प्रतिनिधित्व गर्दैछन्।

 

यस सिजन फ्रान्सबाट कुनै टोलीले अन्तिम ८ मा स्थान बनाउन सकेनन्। जसमा साविकका फाइनलिस्ट रियल म्याड्रिड र युभेन्टसले अन्तिम आठमानै एकअर्का विरुद्ध भिड्ने तय भएको छ।

 

गत सिजन युभेन्टसलाई फाइनलमा पराजित गरेको रियल यो पटक सेमिफाइनल प्रवेशका लागिनै कडा चुनौतीको सामना गर्नुपर्ने भएको हो। युरोपेली फुटबल महासंघ युइएफएले सार्वजनिक गरेको खेलतालिका यस्ताे छ ।

 

-बार्सिलोना विरुद्ध एएस रोमा

-सेभिया विरुद्ध बायर्न म्युनिख

-युभेन्टस विरुद्ध रियल म्याड्रिड

-म्यानचेस्टर सिटी विरुद्ध लिभरपुल