काठमाडौं । राष्ट्रियसभाको उपाध्यक्षका आज निर्वाचन हुँदैछ । उपाध्यक्ष पदमा वाम गठबन्धनबाट माओवादी केन्द्रकी शशिकला दाहाल र नेपाली कांग्रेसबाट वृन्दादेवी आले (राना) चुनावी मैदानमा छन् ।

निर्वाचनमा अध्यक्षबाहेक ५८ जनाले मतदानमा भाग लिने छन् । उपाध्यक्षका उम्मेदवार दाहाल महोत्तरीकी हुन् भने आले कास्कीकी हुन् । संघीय संसद्को माथिल्लो सदनका रुपमा रहेको ५९ सदस्यीय राष्ट्रियसभालाई प्रबुद्ध समूहको थलोका रुपमा हेर्ने गरिन्छ ।

 

राष्ट्रियसभामा वाम गठबन्धनको स्पष्ट बहुमत भएकाले दाहाल विजय हुने निश्चित जस्तै छ । राष्ट्रियसभाको अध्यक्षमा नेकपा एमालेका गणेशप्रसाद तिमिल्सिना यसअघि नै निर्वाचित भइसकेका छन् ।