भक्तपुर । भक्तपुरमा सिलिण्डर चोरी गरेकाे अाराेपमा २ जनालाई प्रहरीले पक्राउ गरेकाे छ ।  प्रहरी परिसर भक्तपुरबाट खटिएको प्रहरी टोलीले कमलबिनायकका बिश्वराम लवजुको जाहेरीको आधारमा उनिहरुलाई पक्राउ गरेको परिसर भक्तपुरका प्रवक्ता डिएसपी कृष्ण प्रसाइले जानकारी दिए ।

 

 उक्त जाहेरीको आधारमा रोल्पा घर भई हाल जिल्ला भक्तपुर चाँगुनारायण नगरपालिका ४ बस्ने बर्ष १८ को कमान घर्ती मगर र सोही स्थान बस्ने बर्ष १९ को घनश्याम बुढामगर रहेका छन् । प्रहरी भक्तपुर नगरपालिका वडा नम्बर ९ कमलबिनायक स्थित प्लानिङको छेउमा शंकास्पद १० थान सिलिण्डर चोरी गरी लुकाई छिपाई रहेको अवस्थामा बरामद गरको छ ।

 

प्रहरीले यसैगरि भक्तपुर नगरपालिका वडा नम्बर ९ अमर ज्योती मन्टेश्वश्री स्कुलबाट कम्प्युटरको सिपियू चोरी भएको सूचनाको आधारमा अनुसन्धान गर्ने क्रममा एक व्यक्तिलाई पक्राउ गरेको छ ।

 

प्रहरी टोलीले खोजतलास काभ्रे च्याम्राङबेसी गाविस वडा नं. ३ स्थायी घर भई हाल भक्तपुर सोही स्थानमा डेरा गरी बस्ने बर्ष ४० को बल बहादुर योञ्जनको डेरा कोठामा लुकाई रहेको अवस्थामा फेला परेको सिपियू फेला पारेको हो ।

 

योञ्जनलाई पक्राउ गरी आवश्य क कारवाहीको लागी महानगरीय प्रहरी वृत्त जगाती भक्तपुरमा पठाईएको छ । प्रहरीले थप अनुसन्धान गरिरहेको जानकारी दिएको छ ।