काठमाडौं । उपराष्ट्रपतिमा नन्दबहादुर पुनले आज पद तथा गोपनीयताको सपथ लिने भएका छन् । आज अपराह्न ४ बजे शीतल निवासमा राष्ट्रपति विद्यादेवी भण्डारीबाट उनले पद तथा गोपनीयताको सपथ लिने कार्यक्रम छ ।

 

शनिबार भएको उम्मेदवारी दर्तामा उपराष्ट्रपतिमा पुनको मात्र उम्मेदवारी परेपछि उनी निर्विरोध भएका थिए। उपराष्ट्रपति पदमा निर्वाचित पुनलाई आइतबार निर्वाचन आयोगले प्रमाणपत्र दिएको छ ।

 

उपराष्ट्रतिमा पुनको यो दोस्रो कार्यकाल हो । राष्ट्रपति विद्यादेवी भण्डारी र उपराष्ट्रपति नन्दबहादुर पुनकाे दाेस्राे कार्यकाल अागामी ५ वर्षका लागि हुने छ । राष्ट्रपतिमा भण्डारी निर्वाचित भइसकेकी छन्।