शिक्षक संघमा पौडेलको नेतृत्व
काठमाडौँ । नेपाल शिक्षक संघको अध्यक्षमा राजेन्द्रराज पौडेल निर्वाचित भएका छन्। पौडेलले निवर्तमान अध्यक्षमा केशव निरौलालाई पराजित गरेका हुन्। पौडेल निवर्तमान कार्यसमितिमा महासचिव थिए।
संघको आठौं महाधिवेशनमा पौडेल र निरौलाले समूह बनाएर प्रतिस्पर्धा गरेका थिए। पौडेल समूहका अधिकांश विजयी भएका हुन्। पौडेलले ३ सय २४ मत ल्याउँदा निरौलाले २५६ मत मात्रै प्राप्त गरे।
वरिष्ठ उपाध्यक्षमा यम पि भुसाल ३१५ मत ल्याएर विजयी हुँदा प्रतिस्पर्धी विष्णुदेवी पाण्डेले २५३ मत पाइन्। महिला उपाध्यक्षमा पद्मिनी थापा ३४३ मतसहित विजयी हुँदा सुसिला सुवेदीले २३६ मत प्राप्त गरिन्।
यसैगरी प्रदेश उपाध्यक्षहरुमा प्रेमप्रसाद भट्टराई, भरत लम्साल, अमरबहादुर खड्का, जनकबहादुर शिह र लक्ष्मण दत्त भट्ट विजयी भए।
महासचिवमा सोमनाग गिरी विजयी भए। उनले ३०२ मत ल्याउँदा अर्का उम्मेदवार गोकर्ण बानियाँले २७४ मत प्राप्त गरे।
यसैगरी महासचिव अर्थमा पुष्पकला भट्टराई, उप महासचिवमा सुन्दर पन्त, उप महासचिव महिलामा धनकला भण्डारी, उप महासचिव अर्थमा वाङ जुङ लामा, उप महासचिव समाबेसी तर्फ नुर मोहम्मद मिया र उप महासचिव कर्णालीबाट भगवती श्रेष्ठ विजयी भए।
