बैंकक । थाइल्यान्डको उत्तरपूर्वी भूभागमा अवस्थित एक प्रान्तको राजमार्गमा बुधबार साँझ भएको बस दुर्घटनामा परी कम्तीमा पनि १८ जना यात्रीको ज्यान गएको छ ।

 

दुर्घटनामा अरु कयौं व्यक्ति नराम्ररी घाइते भएका छन् । थाइल्यान्डको उत्तरपूर्वी प्रान्त नाखोनबाट यात्रा गरिरहेको सो बस बुधबार साँझ सडकबाट खोंचमा खसेको यातायात मन्त्रालयले बिहीबार बिहान जनाएको छ ।

 

उक्त मन्त्रालयले दिएको जानकारीअनुसार सो बसमा ५० जना यात्री सवार रहेका थिए । दुर्घटनामा परी घाइते भएका अरु सबैको उपचार जारी छ ।

 

उक्त प्रान्तको सडकको अवस्था नाजुक रहेकाले समय–समयमा सवारी दुर्घटना हुने गरेको छ । प्रान्तीय सरकारका प्रमुखले घाइते सबैको उपाचारका लागि ध्यान दिन स्वास्थ्य अधिकारीहरुलाई आग्रह गरेका छन् ।