ईयूको प्रतिवेदनप्रति संसद्मा दुईथरी मत
काठमाडौं । युरोपेली युनियनअन्तर्गतको निर्वाचन पर्यवेक्षण मिसनले हालै समपन्न प्रतिनिधिसभा र प्रदेशसभा निर्वाचनबारे दिएको धारणालाई लिएर संसद्मा विभाजन देखिएको छ।
वाम गठबन्धनका एमाले र माओवादी केन्द्रले प्रतिवेदनप्रति विरोध जनाएका छन् भने तराई मधेस केन्द्रित दल राष्ट्रिय जनता पार्टी र संघीय समाजवादी फोरमले समर्थन जनाएका छन्। संसद् बैठकमा प्रमुख प्रतिपक्षी नेपाली कांग्रेस भने मौन देखिएको छ।
सोमबार संसद बैठकको विशेष समयमा एमाले उपाध्यक्ष भीम रावलले निर्वाचन पर्यवेक्षेण गर्ने संस्थले संविधानबारे बोलेको भन्दै आपत्ति जनाए। ‘निर्वाचनकोपर्यवोण मिसनले नेपालको सार्वभौम राष्ट्रमाथि प्रहार गरेको छ, साे सह्य छैन ।
रावलले बैठकमा भने, ‘इयूको टिप्पणी नेपाल सरकारसँग गरेको सम्झौता मात्रै होइन, अन्तर्राष्ट्रिय सन्धि, सम्झौता र अभिसन्धिविरुद्ध पनि हुन गएको छ।’ सोबारे सरकारले अविलम्ब सदनलाई जानकारी गराउन रावलले माग गरे। याे खबर नागरिक दैनिकमा छ ।
