एक जमानामा स्वतन्त्र राष्ट्र रहेकाे तर पछि भारतकाे मुठीमा बन्द भएकाे सिक्किम जस्ताे राज्यले धरी नेपाललार्इ हामीबाट केही सिक्नु भनेर नेपाल सरकारलार्इ लज्जित बनाइदिएकाे छ ।

 

तर सिक्किमका मुख्यमन्त्री पवन चाम्लिङले सिक्किमबाट नेपालले प्रशस्त कुरा सिक्न सक्ने बताएका छन् । उनले सिक्किमको विकास नेपालका लागि अनुकरणीय हुने बताए ।

 

अन्तर्राष्ट्रिय नेपाली साहित्य समाजद्वारा आयोजित दुई दिवसीय तृतीय अन्तर्राष्ट्रिय नेपाली महिला साहित्य सम्मेलनको दीक्षान्त समारोहलाई सम्बोधन गर्दै मुख्यमन्त्री चाम्लिङले विश्वका कुना–कुनामा नेपाली समुदाय पाइने चर्चा गरे ।

 

कैयौं विषयमा विभिन्न समुदायमा स्वाभिमान नरहेका कारण अस्तित्व नै संकटमा परेको उनले बताए । नेपालमा समेत स्वाभिमानको संकट देखिएको मुख्यमन्त्री चाम्लिङको भनाइ थियो ।

 

उनले भने, ‘त्यहाँ बौद्धिक, आर्थिक, संवैधानिक, मानवअधिकार र जन्मसिद्ध अधिकारको स्वतन्त्रतामा प्रश्न उठ्ने गरेको छ ।’

 

उनले नेपाल अझै उपभोक्ता राष्ट्रका रुपमा रहेको बताए । तर सिक्किम यी मानकहरुमा नेपालभन्दा धेरै अगाडि रहेको उनको भनाइ थियो ।