मोरङ । मोरङको उर्लाबारीमा ट्रकको ठक्करबाट एकजनाको ज्यान गएको छ । उर्लाबारी–राजघाट सडक खण्डमा गुडिरहेको मोटरसाइकललाई ठक्कर दिँदा मोटरसाइकल चालकको ज्यान गएको छ भने पछाडि बसेका एकजना घाइते भएका छन् ।

 

राजघाटबाट उर्लाबारीतर्फ जाँदै गरेको ना ४ ख ८३५७ नम्बरको ट्रकले मे ९ प ७६१७ नम्बरको मोटरसाइकललाई ठक्कर दिएको हो । ठक्करबाट मोटरसाइकल चालक मोरङ रतुवामाई नगरपालिका –४ झुर्कीयाका २५ वर्षीय सन्तोष ठाकुरको ज्यान गएको प्रहरीले जनाएको छ ।

 

मोटरसाइकलमा सवार झापा बिर्तामोड नगरपालिका – ८ का सन्तोष राजवंशी घाइते भएका छन् । राजवंशीको अरनिको अस्पताल उर्लाबारीमा उपचार भइरहेको छ । ट्रकका चालक इलाका प्रहरी कार्यालय उर्लाबारीको नियन्त्रणमा छन् ।