नगरपालिकाले नगरलाई व्यवस्थित बनाउने उद्देश्यले नगरपालिका–६ बुडोलडाँडा आसपास सडक छेउछाउमा व्यवसायीले निर्माण गरेका संरचना डोजर लगाएर हटाउन थालेको छ । याे बनेपा नगरपालिकाकाे खबर हाे । 
 

उक्त संरचना हटाउन नगरपालिकाले यही फागुन १० गते सूचना जारी गरेको थियो । समयसीमा सकिएलगत्तै बनेपाको पुल बजारदेखि २८ किलोमिटरसम्मको अरनिको राजमार्ग दायाँबायाँका सबै संरचना हटाउन शुरु गरिएको हो । 

पछिल्लो समयमा व्यवसायीले सडक अतिक्रमण गर्ने क्रम बढेसँगै सडक साँघुरो बन्दै गएको थियो । सडक अतिक्रमण हटाउन नगरपालिकाले गरेको प्रयास विफल भएको थियो ।

 

बनेपा नगरपालिका–६ का वडाध्यक्ष सचितानन्द केसीका अनुसार सडकको दायाँबायाँ राखिएका पुराना सवारी साधनलाई क्रेनको माध्यमबाट हटाउन थालिएको छ । 

“बाटो छेकिनेगरी राखिएका होडिङ बोर्ड डोजर लगाएर हटाउन थालेका छौँ,” उनले बताए ।