मुम्बई । बलिउड क्षेत्रमा फेरि अर्काे अभिनेत्रीको निधनको शोक परेको छ । बलिउडका चर्चित अभिनेत्री श्रीदेवीको निधनको पीडा सेलाउन नपाउदै बलिउडमा अर्की एक अभिनेत्रीको पनि निधन भएको हो । अभिनेत्री नरगिस रबाडीको निधन भएको हो ।

 

देख भाइ देख जस्ता केही चर्चित सोमा काम गरेकी अभिनेत्री नरगिस बलिउडमा शम्मी आन्टीको नामले परिचिति थिइन् । ८९ वर्षकी नरगिस पछिल्लो समय फराहा खान र बोमन इरानीको चलचित्र शीरी फरहाद की तो निकल पडीमा देखिएकी थिइन्।

 

अभिनेता अमिताभ बच्चनले एक ट्वीट गर्दै अभिनेत्री नरगिसको निधनमा दुःख ब्यक्त गरेका छन् । शम्मी आन्टी एकदमै राम्रो अभिनेत्री थिइन्बच्चनले अगाडि लेखेका छन् । बलिउडमा उनले ठुलो योगदान गरेर बिदा भइन् ।

 

नरगिस केही बर्ष देखि बिमारी समेत रहेकी थिइन् । नरगिसले २०० बढी चलचित्र, सिरियल र रियालटी सोमा समेत काम गरेकी छन् । मल्हार चलचित्रमा शम्मी आन्टीको भुमिका निर्बाह गरेपछि बलिउडमा उनलाई यो नामले बोलाउन थालिएको थियो ।
एजेन्सीको सहयोगबाट