काठमाडौं । इण्डियन प्रिमियर लिग क्रिकेट (आईपीएल)मा गएराति भएको खेलमा किङ्स इलेवन पञ्चाव विजयी भएको छ । पञ्जावले चेन्नई सुपर किङ्सलाई ४ रनले हराएको हो ।

 

खेलमा १ सय ९८ रनको लक्ष्य पछ्याएको चेन्नईलाई १ सय ९३ रनमा समेट्दै पञ्जाव विजयी भयो । मोहालीमा भएको खेलमा चेन्नईका कप्तान महेन्द्रसिंह धोनीले नटआउट ७९ र अम्बाती रायडुले ४९ रन बनाए पनि टिमलाई जिताउन सकेनन् । 

 

४४ बलमा ७९ रन बनाउने क्रममा धोनीले ६ चौका र ५ छक्का प्रहार गरेका थिए । पहिले ब्याटिङ गरेको पञ्जावले क्रिस गेलको ६३ रनको मद्दतमा १ सय ९७ रन बनाएको थियो ।

 

गेलले ३३ बलमा ७ चौका र ४ छक्कासहित ६३ रन बनाए । यस्तै, लोकेश राहुलले ३७ र मयांक अग्रवालले ३० रन बनाएका थिए । 

 

तीनमध्ये २ खेल जितेको पञ्जाव अंक तालिकाको दोश्रो स्थानमा उक्लिएको छ । तीनमध्ये २ खेल नै जिते पनि रन औसतका आधारमा चेन्नई तेश्रो स्थानमा छ ।

आईपीएल