युवासंघको अध्यक्षमा पौडेल
काठमाडौं । एमालेको भ्रातृ संगठन युवा संघ नेपालको नेतृत्व फेरिएको छ। संघको अध्यक्षमा रमेश पौडेल चयन भएका छन्।
केन्द्रीय समितिको बैठकले पौडेललाई अध्यक्ष बनाउँदै संगठन पुनर्गठन गरेको हो। प्रदेश सांसदमा निर्वाचित भएपछि अध्यक्ष राजीव पहारीले राजीनामा दिएका थिए। ६ महिनाभित्र महाधिवेशन गर्ने गरी पौडेललाई महाधिवेशन आयोजक समितिको अध्यक्षका रुपमा जिम्मेवारी दिइएको हो।
त्यस्तै संघको वरिष्ठ उपाध्यक्षमा किरण पौडेल तथा उपाध्यक्षहरुमा क्रान्ति बुर्लाकोटी, गोविन्द थापा, हस्त शाही, परशुराम बस्नेत र प्रभात विक्रम कटुवाललाई चयन भएका छन्।
यसअघि सचिव रहेका नरेश शाही महासचिवमा बढुवा भएका छन्।
संघको सचिवमा माधव बास्तोला, वचन सिंह, राजेश साह, उर्मिला सुनुवार, अन्जना अधिकारी, पुर्ण लामा, हिमाल लिम्बू, दीपक जिएम, क्षितिज थेबे, सन्तोष रावल, राजु कार्की, ध्रुब यादव, सुरेन्द्र कार्की चयन भएका छन्।
कोषाध्यक्षको जिम्मेवारी अमित लामालाई दिइएको छ।
युवासंघको अध्यक्ष रमेश पौडेल
