सधैं राजनीति कार्यक्रममा व्यस्त भइरहने माओवादी अध्यक्ष पुष्पकमल दाहाल प्रचण्डलाई संगीत सुन्ने फुर्सद होला, संगीतप्रति लगाव होला ? 

धेरैलाई यो प्रश्नको उत्तर पाउने खुलदुली छ । तर उनले यसको उत्तर पनि दिएका छन् । भनौं, खुलासा गरेका छन्, उनले भने, ‘बिहान ३० मिनेट म संगीतमा रमाउँछुु ।'

संगीतकार संघ नेपालले शुक्रबार काठमाडौंमा आयोजना गरेको कार्यक्रममा उपस्थित पूर्वप्रधानमन्त्रीसमेत रहेका प्रचण्डले बिहान शारीरिक व्यायाम र संगीत श्रवण नियमित जस्तै बनेको बताए ।

‘बिहानको ३० मिनेट नेपाली नयाँ तथा पुराना गीत सुन्ने गर्छु’, उनले भने, त्यसपछिको ३० मिनेट शारीरिक कसरतमा बिताउँछु ।

 

संगीतले मानसिक थकान मेट्ने र व्यायामबाट पसिना निकालेपछि स्फूर्ति मिल्ने कारण आफ्नो दैनिकी संगीत र व्यायामबाटै सुरु हुने उनले बताए ।

 

कार्यक्रममा गायक प्रेमध्वज प्रधानलाई संगीतकार संघ नेपालले अजरअमर सम्मान पनि गरेको थियो । कार्यक्रममा बोल्दै उनले संगीतकारहरुको हकहित र रोयल्टीको मागलाई आफ्नो तर्फबाट सकेसम्म साथ दिने वचन पनि दिएका छन् ।

 

संगीतकारलाई राज्यको तर्फबाट प्रोत्साहन, सहयोग र अधिकार स्थापित गर्न सधैं लागिपर्ने बताएका हुन् ।

 

आफू पहिलोपटक प्रधानमन्त्री हुँदा कलाकारको अक्षयकोषमा एक करोड रुपैयाँ सहयोग गरेको स्मरण गर्दै उनले अब संगीतकार तथा कलाकारलाई राज्यको तर्फबाट सहयोग गर्न पहल गर्ने प्रतिबद्धता जनाएका हुन् । 

 

अभियानमार्फत राष्ट्रिय एकताको संवेदना र परिवर्तन समृद्धि र विकासको सन्देश दिने प्रयास अर्थपूर्ण रहेको उनको भनाइ थियो । निरंकुश व्यवस्थामा पनि संगीत र कलाको क्षेत्र फस्टाएकाले गणतन्त्रमा झनै यो क्षेत्रको प्रवद्र्धन हुनुपर्नेमा उनले जोड दिए 

प्रचण्डभित्र पनि आश्वासन