नेपाल अघि मोदीकाे भ्रमण चीनमा हुने
काठमाडौँ । भारतीय प्रधानमन्त्री नरेन्द्र मोदी नेपाल आउन अघि चीन जाने भएका छन् ।
मोदी र चिनियाँ राष्ट्रपति सी जिनपिङबीच आगामी अप्रिल २७ र २८ मा वुहान शहरमा आयोजना गरिने अनौपचारिक समिटमा भेटवार्ता हुने भएको हो ।
मोदी मे ११–१२ मा नेपाल आउने भनिएको छ ।
मोदीको भ्रमण मिति तय गर्न भारतीय विदेश मन्त्री सुस्मा स्वराज चीन पुगेकी थिइन् । स्वराज र चिनियाँ विदेश मन्त्री वाङ यीले आइतबार संयुक्त पत्रकार सम्मेलन गरेर मोदीको भ्रमणबारे जानकारी दिएका थिए ।
जुनमा हुने सांघाई कोओपरेसन अर्गनाइजेसन (एससीओ) को तयारी बाहेक डोकलाम विवाद लगायत विषयमा मोदी र सीबीच छलफल हुने बताइएको छ ।
नरेन्द्र मोदी चीन
