प्रदेश ३ काे प्रदेशसभा विशेष बैठक अाज बस्दै
हेटाैंडा । प्रदेश ३ को प्रदेशसभा विशेष बैठक आज बस्दै छ । बैठकलाई प्रदेश ३ की प्रमुख अनुराधा कोइरालाले सम्बोधन गर्नेछिन् ।
संविधानमा प्रदेशसभाको विशेष बैठक आह्वान गरेर प्रदेश प्रमुखले सम्बोधन गर्ने व्यवस्था छ । यही संवैधानिक प्रावधानअनुरुप मंगलबार बैठक बस्न लागेको हो ।
प्रदेश ३ संसद् सचिवालयले दिएको जानकारीअनुसार, बैठक दिउँसो १ बजे बस्नेछ ।
प्रदेशसभा सचिवालयका प्रमुख भरतकुमार बुढाथोकीले सांसदहरुलाई उपस्थित हुन संसद् सचिवालयले आह्वान गरिसकेको जानकारी दिए ।
