१२ लाख भारु जरिवान लाग्याे विराट कोहलीलाई
बैंग्लोर । रोयल च्यालेन्जर्स बैंग्लोरका कप्तान विराट कोहलीमाथि १२ लाख भारु जरिवाना गरिएको छ ।
बिहिबार चिन्नस्वामी रंगशालामा भएको चेन्नाई सुपर किङ्ग्सविरुद्ध आइपीएलको खेलमा सुस्त ओभर रेट कायम गरेको भन्दै उनीमाथि सो जरिवाना गरिएको हो ।
जरिवानासँगै कोहलीलाई आधिकारिक चेतावनी पनि दिइएको छ ।
सो खेलमा चेन्नाई ५ विकेटले विजयी भएको थियो ।
यो सिजन कोहलीले पहिलो पटक आइपीएलको निलम उल्लंघन गरेको कारण १२ लाख भारतीय रुपैयाँ जरिवाना गरिएको आइपीएलले जनाएको छ ।
सो खेलमा कोहलीले १८ रन बनाउँदा चेन्नाईले बैंग्लोरले प्रस्तुत गरेको २ सय ६ रनको लक्ष्य पछ्याउन सफल भएको थियो ।
चेन्नाईको जीतमा कप्तान महेन्द्र सिंह धोनीले नटआउट रहँदै ७० तथा अम्बाती रायडूले ८३ रन बनाएका थिए ।
जीतपछि चेन्नाई तालिकाको शीर्ष स्थानमा रहेको छ भने बैंग्लोर छैटौँ स्थानमा छ ।