पोखरा । पोखराको हेम्जामा शनिबार ट्रयाक्टर दुर्घटना हुँदा चालकको ज्यान गएको छ।

 

कास्कीको घाचोकबाट पोखरा आउँदै गरेको ग१च ३०८८ नम्बरको ट्रयाक्टर हेम्जाको तिब्बेतियन क्याम्प नजिकै दुर्घटना हुँदा कास्की माछापुच्छ्रे गाउँपालिका वडा नं ४ मकैखोला घर भएका ३४ वर्षीय दीपक परियारको ज्यान गएको हो।

 

ट्रयाक्टर बिग्रिएको कारण दुर्घटना भएको अनुमान गरिएको छ। ट्रली छुटेर इन्जिनको भाग घोप्टो पर्दा चालक गम्भिर घाइते भएका थिए।

 

उनलाई तत्काल उद्धार गरिएपनि मनिपाल अस्पतालमा पुर्याइए पनि डाक्टरले उनलाई मृत घोषणा गरेका हुन्।

 

दुर्घटनामा माछापुच्छ्रे गाउँपालिका वडा नं. ३ का १५ वर्षीय सरोज नेपाली सामान्य घाईते भएका छन्।

 

उनको पोखराको सहारा अस्पतालमा उपचार भईरहेको कास्कीका प्रहरी प्रवक्ता खड्क बहादुर खत्रीले जानकारी दिए।

दुर्घटना