डडेल्धुरा । डडेल्धुरा नवदुर्गा गाउँपालिका-१ कोटेलीबाट जन्ती बोकी गन्यापधुरा गाउँपालिकातिर गइरहेको जीप दुर्घटना हुँदा ७ जना घाइते भएका छन् । 

 

जन्ती बोकेको  से १ ज २३८ नं को जीप केआईसिहं राजमार्गको रडुवाखोला नजिक दुर्घटना हुँदा ७ जना घाइते भएको जिल्ला प्रहरी कार्यालय डडेल्धुराका प्रहरी नायव उपरीक्षक चक्रराज जोशीले बताए।

 

ब्रेकफेल हुँदा जीप सडकमै पल्टिएको जन्ती गएकाले बताएका छन्। घाइतेको उपचार उपक्षेत्रीय अस्पताल डडेल्धुरामा भइरहेको प्रहरी नायव उपरीक्षक जोशीले जानकारी दिए। 

 

घाइतेको अवस्था सामान्य रहेको उपक्षेत्रीय अस्पताल डडेल्धुराले जनाएको छ।

जीप दुर्घटना डडेल्धुरा ७ घाइते