उर्लाबारी (मोरङ) । बेलबारी नगरपालिका–३ स्थित पूर्व—पश्चिम राजमार्गमा गएराति मोटरसाइकल अनियन्त्रित भई दुर्घटना हुँदा एक युवकको मृत्यु भएको छ।

 

 पश्चिमबाट पूर्व आउँदै गरेको को २८ प ७४३६ नम्बरको मोटरसाइकल अनियन्त्रित भई रुखमा ठोक्किँदा मोटरसाइकल पछाडि सवार सुनसरी जिल्ला धरान–१७ बस्ने ३० वर्षीय सञ्जीव विश्वकर्माको मृत्यु भएको हो। 

 

दुर्घटनामा गम्भीर घाइते भएका विश्वकर्माको धरानस्थित बीपी कोइराला स्वास्थ्य विज्ञान प्रतिष्ठानमा उपचारका क्रममा गएराति मृत्यु भएको इलाका प्रहरी कार्यालय, बेलवारीका प्रहरी निरीक्षक रामजी कट्वालले जानकारी दिए।  दुर्घटनामा घाइते मोटरसाइकल चालक धरान–१७ का २२ वर्षीय विजय विश्वकर्माको उपचार भइरहेको छ । 

दुर्घटना माेरङ