राष्ट्रपति र प्रधामन्त्रीको फोटो जोडी अश्लील स्टाटस अपलोड गर्ने ‘जुँगे’ पक्राउ
नवलपरासी । राष्ट्रपति विद्यादेवि भण्डारी र प्रधानमन्त्री केपी अाेलीको फोटोलाई दुरुपयोग गरी अश्लील स्टाटस अपलोड गर्ने एक जना पक्राउ परेका छन् ।
नवलपरासी कावसोती नगरपालिका –१, का २९ वर्षीय सुरज भुुषाल (जुँगे )भन्ने तोयाराज भुषाललाई जिल्ला प्रहरी कार्यालय नवलपुरले कावासोतीबाट प्रकाउ गरेको हो ।
राष्ट्रपति र प्रधामन्त्रीको फोटोलाई बिगारेर अश्लील स्टाटस अपलोड गरेको भन्दै उनलाई पक्राउ गरिएको प्रहरीले जनाएको छ । साइबर अपराध सम्बन्धमा थप अनुसन्धानका लागि केन्द्रीय अनुसन्धान ब्यूरो महाराजगंज काठमाडौं पठाइएको प्रहरीले जनाएको छ ।
