काठमाडौं । प्रमुख प्रतिपक्षी नेपाली कांग्रेसले सरकारको आर्थिक वर्ष २०७५–७६ को बजेट उत्साहजनक नरहेको प्रारम्भिक टिप्पणी गरेको छ । बजेट भाषणपछि बोल्दै नेपाली कांग्रेसका सांसद गगन थापाले बलियो सरकारले ल्याएको बजेटले उत्साहित नबनाएको प्रतिक्रिया दिए ।

 

अर्थमन्त्री डा. युवराज खतिवडाले बजेट पेश गरेलगत्तै संघीय संसद भवन परिसरमा संचारकर्मीहरुलाई संक्षिप्त प्रतिक्रिया दिँदै उनले डरको माझबाट बजेट आएको अनुभूति भएको पनि बताए । 

 

निर्वाचन क्षेत्रका लागि छुटट्याएको बजेट डरको बीचबाट आएको नेता थापाको दावी छ । उनले यति ठूलो बहुमतसहितको सरकारले सामान्य र लोकप्रिय बजेट ल्याउन नहुने तर्क पनि दिए ।

 

केपी ओली नेतृत्वको सरकारले ठूलो उत्साह भर्ने गरी बजेट ल्याउने सबैको अपेक्षा रहे पनि सो अनुसार आउन नसकेको थापाको भनाइ थियो ।

गगन थापा बजेट