ढुंगेलको रिहाइ राजनीतिक मुद्धा भएकाले दलहरूकै सहमतीमा गरेका हाैँ : गृहमन्त्री
काठमाडाैं ।बालकृष्ण ढुंगेल रिहाइमा प्रतिपक्षी दल कांग्रेसले आपत्ती जनाइरहेको छ । यसैविचमा गृहमन्त्री रामबहादुर थापा‘बादल’ ले भने ढुंगेलको रिहाइ राजनीतिक मुद्धा भएकाले दलहरूकै सहमतीमा गरिएको बताएका छन् ।
चितवनको भरतपुरमा पत्रकारसँग कुरा गर्दै मृहमन्त्री थापाले हरेक वर्ष गणतन्त्र दिवशको अवसरमा असल चालचलन भएको कैदी बन्दी रिहाइ गरिने हुनाले यसपाली पनि नियमित प्रक्रियाको अनुसार रिहाइ गरेको जानकारी गराएका हुन् ।
ढुंगेलले ४० प्रतिशत कैद भुक्तान गरिसकेको हुनाले यसमा आपत्ती नजनाउन गृहमन्त्री थापाले अनुरोध गरेका छन् ।
कुराकानीमा प्रशंग बदल्दै विप्लब र सिके राउतलाई देशमा अस्थिरता मच्चाउन खोजे राज्यले कानुनी कदम चाल्ने चेतावनी समेत दिए ।
