काभ्रेमा बसले किचेर सहचालकको मृत्यु
काठमाडाै । काभ्रेमा बिहीबार बसबाट खसेर बसकै सहचालक सुमन तिमल्सिनाको मृत्यु भएको छ ।
बेथानचोक गाउँपालिका–६ को बेथानचोकबाट पनौतीका लागि हिँडेको बा३ख ४४३५ नम्बरको बसबाट खसेर सोही ठाउँका १८ वर्षे सुमन तिमल्सिनाको मृत्यु भएको हो ।
बसबाट खसेका उनी सोही बसको पछाडिको चक्कामा परेर च्यापिएका थिए । घटनापछि फरार भएका बसका चालकको खोजी भइरहेको प्रहरीले जनाएको छ ।
