भिखारीको ‘समुन्द्र साउती’ बजारमा
काठमाडाैं । कवि बद्री भिखारीको नयाँ कवितासंग्रह ‘समुद्र साउती’ बजारमा आएको छ । शुक्रबार शिल्पी थिएटरमा आयोजित एक कार्यक्रमकाबीच संग्रह सार्वजनिक गरिएको हो ।
वरिष्ठ कवि तुलसी दिवस, कवि श्यामल, जसराज किराती, महेश पौडेल र स्वप्निल स्मृतिले संग्रहको लोकार्पण गरेका हुन् । समारोहमा बोल्दै समीक्षक महेश पौडेलले बद्री भिखारीका कवितामा शालिन विद्रोह र विनम्रता पाइने बताए ।
यस्तै प्रमुख अतिथि कवि तुलसी दिवसले भिखारीको कवितामा नवीनतम कथ्यसहितको बिम्बहरू पाइने बताए ।इटहरीमा बसेर काव्य साधना गरिरहेका कवि बद्री भिखारीको यो तेस्रो संग्रह हो । उनका यसभन्दा अघि ‘हत्केला भरिका रेखाहरू’(मुक्तकसंग्रह) र ‘माड्सापका झोला’(कवितासंग्रह) प्रकाशित छन् ।
संग्रहलाई शिखा बुक्सले प्रकाशन गरेको हो ।
