उत्तरपूर्वी क्षेत्रमा ठूलो वर्षा सुरु, खोलाहरूमा बाढी आउने सम्भावना
काठमाडौंको केही खोलाहरूमा आकस्मिक बाढी आउने सम्भावना रहेको छ ।
धोवी खोला, बागमती, नागमती, सालिनदी, मनोहरा लगायतका क्षेत्रमा बाढी आउने सम्भावन रहेको जल तथा मौसम विज्ञान विभागले जनाएको छ । आज काठमाडौंको उत्तरपूर्वी क्षेत्र शिवपुरी, सुन्दरीजल, साँखु लगायतको क्षेत्रमा सुरु भएको वर्षाले केही क्षेत्रहरू प्रभावित बन्न सक्ने विभागको आंकलन छ ।
विभागले बुढानिलकण्ठ आसपास पनि ठूलो वर्षा रहेको भन्दै विष्णुमती नदीमा पनि बहाव बढ्ने सम्भावना रहेको जनाएको छ ।
खोला आसपासका स्थानमा सतर्क रहन स्थानिय लगायत सबैलाई विभागको आग्रह छ ।
