काठमाडौं । श्रमजीवी पत्रकारहरुको विवरण अनलाईनमार्फत बुझाउने सोमबार अन्तिम दिन हो, तर सूचना विभागको वेभसाईट बिहानदेखि नै डाउन छ । 

 

डिओआईनेपाल डट जिओभी साइट डाउन भएका कारण महत्वपूर्ण जानकारी र अनलाईन फारम भर्न असम्भव भएको छ । विभागमा सूचना तथा प्रशारण विभागकी शाखा अधिकृत सरस्वती महर्जन भन्छिन्, ‘ए बन्द भएछ ? खुल्छ होला नी बिस्तारै ।’ कसलाई भन्दा हुन्छ, हामी भन्छौं नम्बर दिनुस् न भन्ने आग्रहमा महर्जनले भनिन्, ‘त्यहाँ वेभसाइटमा सबैको नम्बर छ, हेर्नु न ।’ 

 

वेभसाइट बिहानैदेखि बन्द छ भन्ने नै हामी कुरा गरिरहेका छौं नी भन्दा उनले भनिन्, ‘ए हो त है, म बाहिर छु । आज म ढिला पुग्छु अफिस । यसो गर्नुस् अफिसको ल्यान्डलाइनमा कल गर्नु न ।’ कार्यालयको ल्यान्डलाइन नम्बर माग गर्दा महर्जनले आफूलाई याद नभएको र मोबाइलमा पनि सेभ नभएको जवाफ दिइन् ।