बर्दियाको बढैयातालबाट बन्दुकसहित २ युवक पक्राउ
काठमाडौं। बर्दियाको बढैयाताल गाउँपालिका–२ बस्ने २६ वर्षीय खुमबहादुर थापा र २४ वर्षीय खडक सुनारलाई प्रहरीले हतियारसअित पक्राउ गरेको छ । एक थान बाह्रबोर बन्दुक र त्यसको २ राउण्ड गोलीसहित आइतबार प्रहरीले उनीहरुलाई पक्राउ गरेको हो।
उनीहरुले भे.२ प २२८८ नम्बरको मोटरसाइकलमा हतियार बोकी हिँडेको खबर प्राप्त हुनासाथ ईलाका प्रहरी कार्यालय मैनापोखरबाट खटिएको टोलीले बढैयाताल गाउँपालिका–२ सितापुरबाट उक्त बन्दुक र गोली सहित उनीहरुलाई पक्राउ गरेको हो ।
यसैगरी सोही गाउँपालिका–१ बस्ने डम्मरबहादुर खड्काको घरबाट समेत एकनाल भरुवा बन्दुक आइतबार प्रहरीले बरामद गरेको छ । घटनाका सम्बन्धमा प्रहरीले आवश्यक अनुसन्धान गरिरहेको जनाएको छ ।
