काठमाडौं । नेपाली कांग्रेसका नेता कृष्णप्रसाद सिटौलाले पार्टी सभापति शेरबहादुर देउवाले पार्टीलाई एकताबद्ध बनाउन नचाहेको आरोप लगाएका छन्। गिरिजाप्रसाद कोइरालाको जन्मजयन्तीको अवसर पारेर सोमबार काठमाडौंमा आयोजित कार्यक्रममा नेता सिटौलाले सभापति देउवाले पार्टीभित्र न्याय नगरेको भन्दै आक्रोश व्यक्त गरे।

 

उनले देउवाले पार्टीका नेता–कार्यकर्तालाई समान व्यवहार नगरेको गुनासो समेत गरे। नेता सिटौलाले सभापति देउवालाई पार्टीलाई एकताबद्ध बनाएर लैजाने दायित्व पूरा गर्न आग्रह गरेका छन्।

 

उनले तत्कालीन कांग्रेस सभापति गिरिजाप्रसाद कोइरालाले सिंगो मुलुकलाई एकताबद्ध बनाएको स्मरण गराउँदै देउवालाई पनि पार्टीलाई एकतावद्ध बनाउन सुझाव दिए। 

 

उनले जनताको समृद्धिको चाहनालाई पूरा गर्न कांग्रेसभित्र एकता अपरिहार्य भएकोमा जोड दिए। कार्यक्रममा उनले देशमा गणतन्त्र स्थापनाका लागि कोइरालाले खेलेको भूमिकाबारे पनि चर्चा गरेका थिए