भारतको प्रमुख प्रतिपक्षी दल भारतीय राष्ट्रिय कंग्रेसका अध्यक्ष राहुल गान्धीले प्रधानमन्त्री नरेन्द्र मोदीलाई अंकमाल गरेपछि उनको भारतीय सञ्चारमाध्यमहरूमा चर्चा बढेको छ ।

 

भारतको तल्लो सदन लोकसभाको वर्षे अधिवेशनअन्तर्गतको बैठकमा गान्धीले मोदीलाई अप्रत्यासित रूपमा अंकमाल गरेका हुन् ।

 

भारतीय संसद्मा प्रधानमन्त्री मोदीविरुद्ध बिहीबार प्रतिपक्षी दल कंग्रेसले अविश्वासको प्रस्ताव दर्ता गराएको भोलिपल्ट राहुलले मोदीलाई अंकमाल गरेका थिए । संसद्लाई सम्बोधन गरेलगत्तै राहुलले प्रधानमन्त्रीलाई अंकमाल गरेका थिए ।

 

विपक्षी दल कंग्रेसले अविश्वासको प्रस्ताव दर्ता गरेपछि संसद्मा अवरोध गरेको थियो । सो अवरोधप्रति प्रधानमन्त्री मोदीले असन्तुष्टि जनाएका थिए ।

 

संसद्को वर्षे अधिवेशनले कानुन निर्माणदेखि अरू धेरै निर्णय गर्नुपर्ने भएकाले संसद् अवरोध गर्न नहुने प्रधानमन्त्री मोदीको जिकिर थियो । कुनै पनि राजनीतिक दलले उठाएका जुनसुकै विषयमा छलफल गरी समस्या समाधान निकाल्न सरकार तयार रहेको उनले बताएका थिए । एजेन्सी

नरेन्द्र मोदी राहुल गान्धी