सुनकोशी नदीमा डुबी प्रेमबहादुर वेपत्ता
काठमाडाैं । माछा मार्न जाने क्रममा सुनकोशी नदीमा डुबी एक वृद्ध वेपत्ता भएका छन् ।
बाह्रविसे नगरपालिका–२ का ६० वर्षका प्रेमबहादुर तामाङ सोमबार दिउँसो सुनकोसीमा माछा मार्ने क्रममा एक्कासी नदीले बगाएर वेपत्ता भएका जिल्ला प्रहरी कार्यालय सिन्धुपाल्चोकका डीएसपी विमलराज कडेलले जानकारी दिए ।
तामाङको खोजी कार्य भइरहेको प्रहरीले जनाएको छ । तामाङले माछा मारेरै जिवीकोपार्जन गर्दै आएका थिए ।
