काठमाडौं । महानगरीय प्रहरी परिसर काठमाडौंले ज्यान मार्ने उद्योगमा फरार तीनजनालाई पक्राउ गरेको छ । 

 

परिसरले मानबहादुर दुरैली विकको हत्यामा संलग्न रामेछापका २२ वर्षीय रमेश दुरैली विक, २८ वर्षीय गोपाल दुरैली विक, २३ वर्षीय सुजन दुरैली विकलाई आइतबार पक्राउ गरी आज सार्वजनिक गरिएको हो । 

 

परिसरका प्रवक्ता मोहनकुमार थापाले २०७० पुस १६ मा मानबहादुरको हत्यामा संलग्न श्यामकुमार राईको जाहेरीका आधारमा पक्राउ गरिएको जानकारी दिए । पक्राउ परेका तीनैजनालाई आवश्यक कारबाहीका लागि काठमाडौँ जिल्ला अदालतमा पेश गरिएको प्रवक्ता थापाले बताए ।
 

महानगरीय प्रहरी तीनजना पक्राउ