काठमाडौं । क्यानडाको टोरन्टोमा भएको अन्धाधुन्ध गोलीकाण्डमा एकजनाको मृत्यु भएको छ । अन्य १५ जना घाइते भएको खबर छ । 

प्रहरीले सञ्चारमाध्यमलाई बताएअनुसार, गोलीकाण्ड स्थानीय समयअनुसार आइतवार राति १० बजे भएको थियो । ग्रीकटाउनको लोगान एन्ड जेनफोर्थ एभेन्युजमा घटना भएको हो । 

 

प्रत्यक्षदर्शीहरूले सिटी न्युजलाई बताएअनुसार, लगभग २५ चोटि गोली चलेको आवाज सुनिएको थियो । एउटा रेस्टुराँबाहिर गोलीकाण्ड भएको हो । 

 

प्रहरीका अनुसार  १५ जनालाई गोली लागेकोमा एकजनाको मृत्यु भएको पुष्टि भएको छ । घाइतेमध्ये नौ वर्षकी एक बच्ची पनि छन् र उनको हालत गम्भीर छ ।  खबरहरूका अनुसार, आक्रमणकारीको मृत्यु भएको छ तर उसको मृत्यु कसरी भयो भन्ने प्रस्ट छैन । 

 

घाइते ६ जनालाई ट्रमा सेन्टर पठाइएको छ, भने बाँकीलाई स्थानीय अस्पताल पु–याइएको छ । एजेन्सी

क्यानडा टोरन्टो गोलीकाण्ड