काभ्रे । टिप्परको ठक्करबाट बनेपामा मोटरसाइकल चालकको मृत्यु भएको छ । मृत्यु हुनेमा नमोबुद्ध नगरपालिका खनालचोकका ५७ वर्षीय जितबहादुर तामाङ रहेका छन् । दुर्घटनापछि स्थानीयले टिप्परमा आगजनी समेत गरी चक्काजाम गरेका छन्।

 

प्रहरीका स्रोत अनुसार काठमाडौंबाट धुलिखेलतर्फ जाँदै गरेको बा २ क ३९३४ नम्बरको ट्रिपरले  सोही दिशातर्फ जाँदै गरेको  बा ८३ प ५०७७ नम्बरको मोटरसाइकललाई ठक्कर दिएको हो । मोटरसाइलक चालकको घटनास्थलमै मृत्यु भएको हो । टिप्परले ब्याक गरेर मारेको स्थानीयको आरोप छ । 

 

दुर्घटनापछि करिब एक घन्टा राजमार्ग अवरुद्ध बनेको छ । उपत्यकामा टिप्परका कारण दुर्घटना बढेपछि बेलुका ८ बजे अगाडि चलाउन रोकिएको छ । काभ्रेमा पनि धेरै दुर्घटना टिप्परकै कारण हुने गरेका छन् । 

बनेपा टिप्पर