नेपालगन्ज नाकाबाट १६ जना बालकको उद्वार
काठमाडाैं । नेपालगन्ज नाकाबाट १६ जना बालकको उद्वार गरिएको छ । जोखिमपूर्ण तरिकाले भारतका विभिन्न ठाउँमा लगिएका बालकहरूलाई नेपालगन्ज जमुनाहा नाकामा भारतीय सिमा सुरक्षा बल एसएसबीले चेकजाँचका क्रममा फेला पारेको थियो ।
साथै बिहीबार साँझ ती नै बालकलाई उद्धार गरी बाँके प्रहरीको जिम्मा लगाइएको छ । यसैगरी मानव तस्करीको आरोपमा एसएसबीले ६ जनालाई पक्राउ गरेको छ । पक्राउ पर्नेमा कृष्णबहादुर नेपाली, अम्बरलाल, चेतबहादुर, तुलबहादुर, मानबहादुर र लल्लु विक रहेका छन् ।
उनीहरुलाई आवश्यक कारबाहीका लागि बाँके प्रहरीलाई बुझाइएको छ ।
