संसदीय सुनुवाई विशेष समितिको बैठक स्थगित
काठमाडाैं । संसदीय सुनुवाई विशेष समितिको शुक्रबार बोलाइएको बैठक स्थगित भएको छ ।
बिहिबार बसेको बैठकले प्रधानन्यायाधीशमा प्रस्तावित दीपकराज जोशीको बस्दै सुनुवाई गरी शुक्रबार निर्णय गर्ने भनिएको थियो । तर जोशीको शैक्षिक प्रमाणपत्रमा विवाद भएको र त्यसबारेमा अध्ययन चलिरहेकाले बैठक स्थगित गरिएको एक सदस्यले जानकारी दिए ।
प्रस्तावित जोशीको नाम अनुमोदन गर्ने वा थप छानबिन गर्ने भन्ने विषयमा निर्णय गर्न बोलाइएको बैठक आइतबारसम्मका लागि स्थगित भएको हो ।
शुक्रबार बोलाइएको बैठक अन्तिम समयमा स्थगित भएको सूचना दिइएको समितिका एक सदस्यले बताए ।
