चरेशसहित एक पक्राउ
काठमाडौं । महानगरीय प्रहरी प्रभाग नागढुंगाले चार किलोग्राम चरेशसहित सोमबार एक जनालाई पक्राउ गरेको छ ।
बुटवलबाट काठमाडौं आउँदै गरेको लु १ ख नंको यात्रुवाहक बस जाँचका क्रममा झोलामा लुकाएर ल्याएको उक्त परिमाणको लागुऔषधसहित रोल्पा घर भएका ३६ वर्षीय सोमबहादुर मगरलाई पक्राउ गरेको प्रभागका प्रमुख केशवराज भट्टले जानकारी दिए ।
पक्राउ परेका मगरलाई आवश्यक अनुसन्धानका लागि महानगरीय प्रहरीवृत्त थानकोट पठाएको पनि प्रभागले जनाएको छ ।
