काठमाडाैं । चर्चित गायिका शोभा थापाको मौलिक डेउडा गीत ‘भुक्तोलिका राम’ आईतबार सार्वजनिक भएको छ । डेउडा गीतको इतिहासमा राती छायांकन गरिएको यो पहिलाे गीत विशेष डिजीटल र विशेष फिल्मस युट्युब च्यानलबाट सार्वजनिक भएको हो । गीतमा स्वर लाल बहादुर धामी ‘अछामी बड्डो’ र शोभा थापाको रहेको छ ।

 

गीतमा लय/शब्द राजेन्द्र शाह‘बिपी’ र म्युजिक बिजय थापाको रहेको छ । गीतको म्युजिक भिडियोमा रोजी कुँवर, लक्ष्मण कार्की, र लाल बहादुर धामी ‘अछामी बड्डो’, निरुता खत्री, शोभा थापा लगायत सुदूरपश्चिमेलीले शशक्त अभिनय गरेका छन् । गीतको भिडीयो निर्देशक भिम थापा हुन् ।

 

गीतको म्युजिक भिडियो काठमाडौंका विभिन्न ठाउँ र किर्तीपुरमा छायांकनमा गरिएको हो । गायिका शोभा भन्छिन्,‘यो गीतमा सबै टिमले निकै मेहिनत गरेका छौ । डेउडा इतिहासमा रातरात खटिएर छायांकन गरिएको छ । डेउडा परम्परा अनुसार गीतमा धेरै ठूलो संख्यामा खेलाडी उपस्थिती रहेका छन् । हाम्रो मेहिनेतलाई श्रोता दर्शकले बुझिदिनेछन् भन्ने हाम्रो आशा छ ।

हेर्नुहोस् भिडियो:

शोभा थापा डेउडा गीत भुक्तोलिका राम