काठमाडौं । सञ्चारकर्मी अस्मिता भण्डारीको सम्पादनमा तयार भएको ‘राजनीतिको चक्रव्यूहमा राजसंस्था’नामक पुस्तक पूर्वराजा ज्ञानेन्द्र शाहमार्फत शनिबार सार्वजनिक भएको छ ।

 

पुस्तक पूर्वराजाको ७२ औं जन्माेत्सवका अवसरमा नेपालगञ्जमा सार्वजनिक भएको हो । पूर्वराजाले सम्पादक भण्डारीसँग पुस्तकमा भएका सामाग्रीहरुको प्रशंसा गरेका थिए । उनले पुस्तकको सफलताको शुभकामना पनि व्यक्त गरे । 

 

पुस्तकमा नेपालको इतिहासका विभिन्न पक्ष, राजनीतिको विकृतिले राजसंस्थामा परेको प्रभावबारे गहन लेखहरु छन् । 

 

पुस्तकबारे सम्पादक भण्डारीले भनिन्, ‘पूर्वमहाराजधिराजमार्फत यो पुस्तक पाठक समक्ष पुर्याउन पाउनु नै गर्वको कुरा हो । पुस्तकका बारेमा चासो र सफलताको शुभकामना पनि दिनु भएको छ । यो पुस्तक इतिहासका विद्यार्थीहरु र राजनीति बुझ्न चाहने जो कोहीका लागि सन्दर्भ ग्रन्थ बन्न सकोस भन्ने मेरो चाहना हो ।’

 

भण्डारीका केही कृतिहरु यसअघि पनि प्रकाशित भइसकेका छन् । भण्डारी विश्व हिन्दु महासंघ अन्तर्राष्ट्रियका महासचिव पनि हुन् ।

तस्बीर साैजन्यः शिशिर तिवारी ।