काठमाडौं । साझा प्रकाशनका अध्यक्ष डोलिन्द्रप्रसाद शर्माले नेत्रविक्रम चन्द नेतृत्वको नेकपाका कार्यकर्ता प्रयोग गरेर नेपालआजलाई धम्क्याउने प्रयास गरेका छन् । आफूलाई विप्लवका कार्यकर्ता बताउने मोबाइल नम्बर ९८१३६१७६२३ प्रयोगकर्ताले नेपालआजलाई फोन गरेर साझाका अध्यक्ष शर्माका बारे समाचार प्रकाशन नगर्न भनेका छन् ।

 

फोन गर्ने व्यक्तिले आफ्नो नाम भनेनन् । सो नम्बरका प्रयोगकर्ताले भने, ‘डोलिन्द्रका बारे किन समाचार छाप्नु हुन्छ ? हामीले बुझेसम्म उनी खराब मानिस होइनन् । राम्रो पत्रकारिता गर्नूस्, अन्टसन्ट नलेख्नूस् ।’ 

 

नेपालआजलाई पत्रकारीता सिकाउने शैलीमा उनले भने, ‘डोलिन्द्रको पछि लागेर तपाईहरुले केही पाउनु हुन्न । नचाहिँदो कुरा लेख्दा तपाईकै लागि घातक हुन सक्छ । तपाईकै लागि प्रत्युपादक हुन सक्छ ।’

 

उनले डोलिन्द्रको बारे लेख्दै जाने हो भने आफूहरुले सहन नसक्ने भन्दै धम्कीको भाषा पनि प्रयोग गरेका छन् । उनलाई नेपालआजको जवाफ थियो, ‘तपाईको पार्टीको बारेमा लेखिएको, छापिएको विषय छ भने त्योसँग सम्बन्धित कुरा गर्नूस । बाँकी कुरामा के गर्ने भन्ने डोलिन्द्रजी आफै सक्षम हुनुहुन्छ । कानुनी उपचारमा जाने हामी सबैको अधिकार सुरक्षित छ । ’

 

► घरमा दुई श्रीमती, बाहिर कति कति ! तर पनि नपुग्ने डोलिन्द्रलाई

► साझाको जवाफः ‘साझाको गाडीमा डोलिन्द्रकी प्रेमिका ओसारेको छैन’

► साझा प्रकाशनका गाडीः चित्रलेखाको घरमा पिज्जा पुर्‍याउनदेखि प्रेमिका ओसार्नसम्म

► साझाका अध्यक्ष शर्माकाे चमत्कारः पुर्ख्याैली पाखाे बारी, अहिले सम्पत्ति सहरभरी

► ‘प्रधानन्यायाधीशलाई पाँच लाख बुझाएर पद जोगाएँ’

► भगौडा असई रहेछन् साझाका अध्यक्ष डोलिन्द्र, सम्बन्ध नेतादेखि युवतीसम्म !