शनिबार राति पश्चिम क्षेत्रमा असामान्य वर्षा हुन सक्छ–मौसमविद्
काठमाडौं । शनिबार राति पोखरादेखि पश्चिमका क्षेत्रमा असामान्य अर्थात भारी वर्षा हुने सम्भावना रहेको मौसमविदहरुले बताएका छन् ।
जलवायु पूर्वानुमान महाशाखाका अनुसार पश्चिमका एक वा केही स्थानमा अति भारी वर्षा हुने सम्भावना छ । यस्तो वर्षाले जनधनमा क्षति पुर्याउन सक्ने भएकोले सचेत रहन आवश्यक पनि छ ।
वर्षा र बदलीको सम्भावना भने सोमबारसम्म देशभर नै रहेको मौसम पूर्वानुमान महाशाखाले जारी गरेको बुलेटिनमा उल्लेख छ ।
शनिबार दिउँसो भने पूर्व र मध्येका केही स्थानमा भारी वर्षा हुन सक्छ ।
आइतबार भने देशभर हल्का वा मध्यम वर्षा हुनेछ । सोमबार पनि पश्चिमका केही स्थानमा भारी वर्षा हुनेछ ।
