काठमाडौं । नेपालका लागि रसियाका राजदूत आन्द्रेई एस बुडनिकको निधन भएको छ । राजदूत बुडनिकको अगस्ट १० तारिख शुक्रबारका दिन मस्कोमा निधन भएको हो ।

 

परराष्ट्रमन्त्री प्रदीप ज्ञवालीले राजदूत बुडनिकको असामयिक निधनले आफूलाई दुःखी तुल्याएको बताएका छन् । मन्त्री ज्ञवालीले आइतबार एक ट्विइट गर्दै भने, ‘नेपालका असल मित्र रहेका राजदूत बुडनिकको मस्कोमा असामयिक निधन भएको खबरले मलाई दुःखित तुल्याएको छ । म दिवंगत आत्माप्रति भावपूर्ण श्रद्धाञ्जली अर्पण गर्दै शोक सन्तप्त परिवारजन एवं काठमाडौंस्थित रसिया राजदूवास परिवारप्रति हार्दिक समवेदना प्रकट गर्न चाहन्छु ।’

बुडनिक सन् २०१६ फेब्रुअरी २९ तारिखदेखि नेपालका लागि रसियाका राजदूत रहेका थिए । 
 

राजदूत बुडनिकको निधन