एजेन्सी । ‘ठग्स अफ हिन्दुस्तान’ पछि आमिर कुन फिल्म बनाउने सुरुवातमा छन् भन्ने हल्ला हाल बलिउड फिल्म उद्योगमा चलेको छ  । आमिर केहि समय देखि ‘महाभारत’ पढ्दै थिए । जसले गर्दा फिल्मवृत्तामा हल्ला फैलिएको थियो कि आमिर अब ‘महाभारत’ विषयमा फिल्म बनाउने तयारीमा छन् । 

 

पछि फेरी सुन्नमा आयो कि, ‘कपुर एण्ड सन्स’का निर्देशक शकुन बत्राको आउन लागेको अर्को फिल्म ‘आचार्य रजनीश’ मा (ओशो)को भुमिकामा देखा पर्ने भएका छन् । तर भारतीय सञ्चारमाध्यमले जनाए अनुसार आमिरले हलिउड फिल्मको हिन्दी रिमेक गर्ने भएका छन् । 

 

भारतीय मिडियाको जानकारी अनुसार शकुन बत्राको निर्देशनमा बन्न लागेको ‘ओशो’को बायोपिक आमिरले ‘होल्ड’ मा राखेका छन् । आमिरलाई फिल्मको स्क्रिप्टको केहि भाग मन नपरेकोले टिमको सल्लाह आनुसार स्क्रिप्टमा केहि फेरबदल गरिन लागिएको छ । 

 

केहि सूत्रहरूका अनुसार आमिर एउटा ‘प्यारामाउन्ट पिक्चर’द्वारा निदेशक गरिएको हलीउड फिल्मको रिमेक गर्नमा रुची देखाइरहेका छन् । आमिर आफ्ना प्रोजेको बारेमा कसैलाई पनि जानकारी गराउदैनन् जबसम्म उनी आफै त्यो प्रजेक्टका लागि अन्तिम चरणमा पुग्दैनन् । त्यसकारण आमिरले बनाउन लागेका फिल्मको नाम कसैसँग चर्चा गरेका छैनन् । 
 

‘प्यारामाउन्ट पिक्चर’ रिमेकको तयारीमा आमिर