कञ्चनपुर । निर्मला पन्तको बलात्कार घटना नसेलाएका बेला कञ्चनपुरमै फेरि एक किशोरी बलात्कृत भएको घटना बाहिर आएको छ । 

 

जिल्लाको बेल्डाँडी गाउँपालिकाकी एक किशोरीमाथि सामूहिक बलात्कार भएको घटना बाहिर आएको हो । उनीमाथि बिहीबार राति सामूहिक बलात्कार भएको कञ्चनपुर प्रहरीले जनाएको छ । 

 

बालिकाको घरमा पूजा चलिरहेका बेला मोटरसाईकलमा गएका चार युवकले फोन गरेर किशोरीलाई सडकमा बोलाएको र अपहरणशैलीमा घरबाट टाढा लगेर सामूहिक बलात्कार गरेको इलाका प्रहरी कार्यालय बेल्डाँडीका प्रहरी प्रमुख सुरेन्द्रबहादुर बमले जानकारी दिए । 

 

किशोरीलाई अपहरणशैलीमा मोटरसाईकलमा राखेर ती युवकले घरदेखि अर्को गाउँ जबदिया भन्ने ठाउँमा लगेर सामूहिक बलात्कार गरेका बुझिएको छ ।

 

‘बलात्कार गरेर चारै युवक भागे दुई युवकसंग चिनजान थियो’ किशोरीलाई उदृत गर्दै प्रहरी प्रमुख बमले भने,  ‘पीडित बालिकाले प्रहरीमा दिएको बयान अनुसार चारै जना फरार  छन् ।’ फरार चारै जनाको खोजीकार्य भईरहेको छ । 

कञ्चनपुर बलात्कार बेल्डाँडी गाउँपालिका