काठमाडाैं । स्टार स्ट्राइकर नेयमार बार्सिलोना फर्किन ‘आतुर’ रहेको फिलिप कोन्टिन्होले कप्तान लियोनल मेस्सीलाई बताएका छन् ।

 

फ्रान्सेली क्लब पेरिस सेन्ट–जर्मेन, पिएसजीका नेइमारले फेरि बार्सिलोना आउन चाहेको कोन्टिन्होलाई बताएको र कोन्टिन्होले नेइमारको कुरा कप्तान मेस्सीलाई भनेको खबर आएको छ । नेइमार अघिल्लो सिजन विश्व कीर्तिमानी मूल्यमा स्पेनिस क्लब बार्सिलोनाबाट पिएसजी गएका थिए।

 

स्पेनिस वेब साइट डन बालोनका अनुसार नेइमार बार्सिलोना फर्किन आतुर रहेको कुरा कोन्टिन्होले मेस्सीलाई भनेका हुन् । नेइमार अहिले आफ्नो पिएसजी जाने निर्णयमा पछुतोको अवस्थामा रहेको खबरमा दाबी गरिएको छ । नेइमारले कोन्टिन्होसँग एक दिन जसरी भए पनि बालोन डी’ओर जित्न चाहेको पनि बताएका छन् ।

 

नेइमारले बार्सिलोना फर्किन चाहेको बताएको भन्ने खबर आइरहँदा बार्सिलोनामा उनको ठाउँमा लिँदै गरेका उसमान डेम्बेलेले उत्कृष्ट प्रदर्शन गरिरहेका छन् ।