बलिउड अभिनेता राज कपूरकी श्रीमतीको निधन
नयाँ दिल्ली । बलिउडका दिग्गज अभिनेता तथा निर्देशक राज कपूरकी श्रीमती कृष्णा कपूरको आज सोमबार बिहान ८७ वर्षको उमेरमा निधन भएको छ ।
उनका जेठा छोरा रणधीर कपूरको अनुसार आज बिहान ५ बजे कार्डियक अरेस्टको कारण उनको मृत्यु भएको हो । कृष्णा राज कपूरको स्वास्थ्यमा पछिल्लो समय केही गडबडी भइरहेको थियो । जसकारण उनी अस्पतालमा भर्ना भएकी थिइन् ।
कृष्णा कपूरले सन् १९४६ मा बलिउडका ‘शो म्यान’ रहेका राज कपूरसँग विवाह गरेकी थिइन् । दुवैले तीन छोरा रणधीर, ऋषी, राजीव र दुई छोरी ऋतु र रीमालाई जन्म दिए । विवाह पहिला उनको नाम कृष्णा मल्होत्रा थियो ।
कृष्णाको दोस्रो छोरा ऋषी कपूर दुई दिन अघि नै अमेरिका गएका छन् ।
