काठमाडौं । बङ्गलादेशको ढाकास्थित बङ्गबन्धु रङ्गशालामा भएको साफ च्याम्प्यिनसिपको सेमिफाइनल खेलमा नेपाल मालदिभ्ससँग ३–० ले हारेपछि नेपालको फाइनल यात्रा गर्ने आशा समाप्त भएको छ । 

 

पहिलो हाफको खेल सकिँदासम्म नेपाल १–० गोलले पछाडि परेको थियो । नवौँ मिनेटमा माल्दिभ्सका कप्तान अक्रम अब्दुल घातीले पेनाल्टी बक्सको केही बाहिर पाएको फ्रि किकलाई गोलमा परिणत गरेर माल्दिभ्सलाई अग्रता दिलाएका थिए । 

 

नेपाली टोली बुधबार भएको खेलको सुरुवातबाटै लयमा देखिएन । लगातारको वर्षाले मैदान चिप्लो हुँदा नेपाली टोलीको कुनै पनि उत्कृष्ट प्रहार गर्न सकेन । 

खेल सुरु भएको २८औँ मिनेटमा हावाहुरीसँगै भारी वर्षा भएपछि आधा घन्टा खेल रोकिएको थियो ।