सिन्धुली । सिन्धुलीका वाइसीएल जिल्ला अध्यक्ष पुष्पराज श्रेष्ठ पक्राउ परेका छन् । धाकधम्की तथा शरीर बन्धकको आरोपमा अध्यक्ष श्रेष्ठ पक्राउ परेका हुन् । 

 

उनलाई महानगरीय अपराध अनुसन्धान महाशाखाको टोलीले शुक्रबार नियन्त्रणमा लिएको महाशाखाका प्रमुख एसएसपी धिरजप्रताप सिंहले जानकारी दिए ।

 

सिन्धुली कमलामाई ५ घर भई हाल राजधानीको रातोपुल बस्दै आएका रामबहादुर कटुवाललाई श्रेष्ठले ज्यान मार्ने धम्की दिएको उजुरी परेको थियो। घर निर्माणका लागि श्रेष्ठले कटुवाललाई ठेक्का दिएको र घर निर्माणपछि रकम माग्दा धम्की दिएको अनुसन्धानबाट खुलेको छ। श्रेष्ठले यसअघि २०७३ पुस ४ गते गणेशकुमार कुँवरलाई बन्धक बनाए रकम लुटेको समेत खुल्न आएको प्रहरीको भनाइ छ। 

शरीर बन्धक पुष्पराज श्रेष्ठ वाइसीएल जिल्ला अध्यक्ष