एजेन्सी । सामुन्द्रिक आँधी फ्लोरेन्सका कारण अमेरिकाको पूर्वी तटीय क्षेत्रको जनजीवन प्रभावित भएको छ । आँधीका कारण अहिलेसम्म पाँचको मृत्यु भइसकेको छ । 

 

त्यस्तै ६ लाख घरहरुमा विद्युत प्रवाह बन्द रहेको समाचारमा उल्लेख छ । आँधीले उत्तर र दक्षिण क्यारोलिना र भिर्जनिया बढि प्रभावित छन् । १७ लाख मानिसलाई आँधी प्रभावित क्षेत्रबाट सुरक्षित स्थानतर्फ सर्न चेतावनी दिइएको छ । 

आँधीको वेग १ सय १० किलोमिटर प्रतिघण्टा रहेको बिबिसीले जनाएको छ । आँधीका कारण केहि ठाउँमा भारी वर्षा समेत भइरहेको छ ।  त्यस्तै केहि ठाउँमा बाढी तथा पहिरो समेत गएको छ ।